Maloku: Luftëtari i harruar
Prishtinë, 17.02.2018
– Luftëtari i harruar –
Kosovë për ty luftova
të vdisja për ty shumë dëshirova,
ndonëse vdekja jetën nuk ma morri
dëshira ime ishte të kujtohesha si gjak dëshmori.
Vuajtëm shumë, pamë shumë gjakderdhje
pati shumë vrasje, përjetuam shumë tmerre,
por të bashkuar të gjitha i përballonim
saherë që merziteshim, endrrën e Kosovës së lire kujtonim.
Të uritur në male, të lagur në shi
në front të erës, në borë të ngrimë,
të gjitha kur i kujtoj them se s’paskemi vuajtur aspak
gjithë ajo jetë, gjithë ai gjak,
të harruar nga pushteti si ish luftëtar
kerkojmë mbijetesën larg atdheut si gurbetqar.
Autor:
Xhevdet Maloku – Kryetar i FJALËS dega në Podujevë
Prishtinë, Shkurt 2018