Bytyçi: Diskriminim demokratik apo demokraci diskriminuese?!
Shkruan: Mr.sci.Bedri Bytyçi
Sot, Qeveria e Kosovës ka ndarë 15 mijë euro për familjen e Arian Dacit, që ndërroi jetë në Brezovicë, e shkaktar ishte orteku i borës!
Sinqerisht i shprehim ngushllime familjes Daci, Allahu e mëshiroftë Arianin!
Nuk jam kundër ndihmës ndaj kujtdo, qoftë ajo edhe për familjet e zyrtarëve shtetëror, mirëpo jam kundër diskriminimit që po bëhet vazhdimisht në bazë të pozitës që ka/kemi.
Një ndihmë të njëjtë nuk ia ofroi qeveria familjes Sadikaj nga fshati Sopi e Therandës që humbi pesë anëtarë të saj në një aksident rrugor vitin e kaluar apo të njëjtën gjë nuk ia ofroi familjes Shala nga komuna e Gjilanit që humbi tre anëtarë të saj në një aksident tjetër në nëntorin e vitit të kaluar, pastaj pse nuk iu nda asnjë lloj ndihme familjeve të atyre që i kanë humbur familjarët e tyre vendin e punës dhe shumë raste tjera por iu ofrua ndihmë familjes Daci.
Prej kur vdekja e dikujt që është zyrtar shtetëror apo djalë i zyrtarit shtetëror, apo djalë i ish zyrtarit shtetëror është më e dhimbshme se një vdekje e dikujt që nuk ka pozitë të caktuar në shtet, parti apo diku tjetër!
Prej kur jeta e dikujt është më e vlefshme se e dikujt tjetër?
Çka t’i themi kësaj diskriminim demokratik apo demokraci diskriminuese?!
Bedri Bytyçi