Partia FJALA sot zhvilloi fushatën në Mitrovicë
Partia FJALA sot në Mitrovicë zhvilloi fushatën zgjedhore për zgjedhjet e 6 tetorit 2019.
Edhe në Mitrovicë sikur çdo komunë tjetër të Kosovës, FJALA nuk i ka ftuar qytetarët në tubim.
Kryetari i FJALËS Gëzim Kelmendi tregoi se politika kosovare e 20 viteve të pasluftës e ka mashtruar qytetarin, e ka varfëruar dhe në fund e ka detyruar ta braktis shtetin dhe të emigroj.
Prandaj nuk është e drejtë të maltretohen qytetarët nëpër tubime.
Kryetari i FJALËS Kelmendi potencoi që Mitrovica është dëshmia më e qartë se si politika kosovare e ka injoruar dhe izoluar qytetarin e Kosovës.
Përderisa Beogradi po i mbështet në çdo formë qytetarët serb së fundi edhe duke ndërtuar shtëpitë në lagjen “Lugina e Diellit, Prishtina ka injoruar dhe diskriminuar në tërësi shqiptarët e Mitrovicës.
Disa nga partitë në Kosovë në ditën e parë të fushatës zgjedhore e kanë shfrytëzuar Mitrovicën për të manipuluar dhe mashtruar, njëra ka instaluar korrupsionin ndërsa tjetra nuk e njeh fare shtetin e Kosovës.
Kelmendi në fund prezentoi edhe kandidatët për deputet nga Mitrovica:
1.Abdelnaser Çuni – magjistër i farmacisë dhe ekonomist dhe
2. Blerim Kajtazi – jurist dhe ish-ushtarë i UÇK-së.
Partia FJALA;
Prishtinë, 27.09.2019